Lautaro Martinez e ka nisur sezonin në mënyrë të jashtëzakonshme, duke konfirmuar rolin e tij si lider teknik, karakterial dhe komunikues i Interit. Kapiteni argjentinas ka shënuar 4 gola në 5 javët e para, duke kaluar edhe vështirësitë që zakonisht ka pasur në startet pas angazhimeve me kombëtaren.
Në dy ndeshjet e para dukej ende i ndryshkur fizikisht. Pas pushimeve të vonuara për shkak të Botërorit, Lautaro u rikthye menjëherë në fushë, ndërsa në të kaluarën kishte pasur vështirësi të ngjashme pas Kupës së Amerikës 2024 dhe Botërorit të Klubeve 2025.
Këtë herë situata është ndryshe. Lautaro realizoi dopietë ndaj Napolit, duke përmbysur rezultatin, dhe një tjetër dopietë ndaj Romës, duke i dhënë Interit barazimin. Gjithçka shoqërohet me përkushtimin e tij të zakonshëm.
“Këtë vit i jam kushtuar shumë më tepër përgatitjes fizike. Jam stërvitur shumë pas Botërorit”, – ka shpjeguar argjentinasi. Kjo është nisja e dytë më e mirë e Lautaros që prej mbërritjes te Interi. Më mirë kishte bërë vetëm në sezonin e titullit të yllit të dytë, kur shënoi 5 gola në 5 ndeshjet e para.
