Pavarësisht se provuan për transferimin e tij gjatë merkatos së fundit të verës, por nuk ia dolën, drejtuesit e Milanit nuk kanë hequr dorë nga ideja e transferimit të Endrick.
Drejtuesit e klubit kuqezi do të provojnë në janar për të sjellë në Milano sulmuesin e ri brazilian, minutat e të cilit te Real Madrid janë me pikatore. Ai ka luajtur vetëm 4 minuta deri tani në La Liga.
Drejtuesit e Milanit shohin te braziliani një profil që, falë moshës, cilësisë dhe potencialit të lartë, ia vlen të ndiqet. Megjithatë, duket e vështirë që Real Madrid të heq dorë përfundimisht prej tij. Ndaj, alternativa më e mundshme është huazimi i thjeshtë deri në fudn të sezonit, ose huazim me të drejtë blerjeje.
Ndërkohë, La Gazzetta dello Sport zbulon se përveç Milanit, për Endrick interesohet seriozisht edhe Roma. Verdhekuqtë e shohin brazilianin si përforcimin ideal për sulmin e tyre dhe që mund të jetë një ndihmë e madhe në garën për titullin kampion.
