Paraqitja e Lilës në “Emirates Stadium”, kundër Arsenalit, nuk e bindi Christophe Dugarry. Skuadra franceze u mund 3-0 dhe ish-kampioni i botës e kritikoi ashpër qëndrimin tepër pasiv nën drejtimin e Davide Ancelottit.
Në një prononcim për RMC, Dugarry vuri në shënjestër mentalitetin me të cilin Lila e përballoi këtë sfidë të rëndësishme të Champions League: “Kur ke mundësinë të luash në Champions, sheh kalendarin dhe thua: Po shkojmë në ‘Emirates’, të kënaqemi, jemi të lumtur”.
Sipas tij, Lila u tregua tepër e kujdesshme dhe nuk arriti ta vinte realisht në vështirësi Arsenalin: “E humbet ndeshjen kundër Arsenalit, në rregull, por duhet të bësh diçka në fushë. Nuk është e pamundur”.
Dugarry kritikoi edhe deklaratat e Ancelottit pas ndeshjes: “Të thuash se nuk ke pendesa pas një ndeshjeje të tillë, është problem”.
Një kritikë e fortë për trajnerin e Lilës, të cilin ish-futbollisti e akuzoi se nuk i kishte përcjellë skuadrës mentalitetin e duhur për një mbrëmje të rëndësishme europiane.
