Trajneri i Liverpool, Andoni Iraola, ka lënë pas krahëve fitoren 6-3 në Champions league ndaj Lask dhe mendon për ndeshjen e radhës këtë të shtunë, në shtëpinë e Brentford në Premier League.
“Skuadra është pak e lodhur, por kjo është sfida e pjesëmarrjes në Champions League. Është pothuajse një gjendje e vazhdueshme këtë sezon. Ndaj, duhet të përshtatemi dhe të jemi gati. Ashtu siç ishte një periudhë e shkurtër rikuperimi pas ndeshjes me City, e njëjta gjë vlen edhe tani“, tha Iraola.
“Megjithatë, pres që të gjithë të jenë në formën e tyre më të mirë, si mendërisht ashtu edhe fizikisht, sepse në Brentford nuk mund të luash me komoditet. E dimë mirë këtë dhe duhet të jemi gati për një betejë“, shtoi spanjolli.
Më tej, ai tha: “Nuk mendoj se gjithçka varet nga lojtarët individualë, e as nga fakti nëse kundërshtarët janë ekipe të huaja apo angleze. Bëhet fjalë për lloje të ndryshme ndeshjesh. Në disa prej tyre ke më shumë komoditet dhe më shumë kohë për të menduar, në të tjera, ke më pak kohë”.
“Nuk ka të bëjë me një kompeticion specifik apo një tjetër, duhet të përshtatemi. E dimë që ndeshja me Brentford nuk do të jetë e njëjtë me atë kundër LASK, kërkesat janë të ndryshme dhe të gjithë duhet të përshtaten“, tha Iraola.
“Mendoj se kemi qenë shumë të mirë në mbrojtje, por mjaft të dobët në sulm gjatë goditjeve të standardeve. Do të jemi nën presion të madh në mbrojtje, pasi e dimë që Brentford është një ekip shumë i mirë”, përfundoi Iraola.
