Brian Fariñas është i vetmi lojtar në skuadrën e parë të Barcelonës, që ende nuk ka luajtur asnjë minutë të vetme këtë sezon, pavarësisht se është plotësisht i disponueshëm për Hansi Flick.
Sipas Sport, Fariñas, i cili ishte afër transferimit te Girona gjatë verës së kaluar, por Flick ndërhyri dhe bllokoi lëgizjen,po has vëshitrësi te Barcelona, aty ku është i regjistruar me numrin 4, por deri tani ende nuk ka asnjë minutë në fushë.
Megjithatë, lojtari është optimist që do të ketë shansin e tij këtë sezon, duke ditur që janë shumë ndeshje përpara dhe shumë shpejt fillon edhe Kupa e Spanjës, që mund të jetë idealja për të për të debutuar me fanellën e Barcelonës këtë sezon.
Farinas është një nga shokët e ngushtë të Lamine Yamal dhe sipas burimeve jo të konfirmuara zyrtarisht nga Spanja, sulmuesi mund të ketë qenë vendimtar në vendimin e klubit për të mos lejuar largimin e Farinas. Ndërkohë, Sport raportoi disa ditë më parë, që Barcelona po punon për të rinovuar me Farinas, kontrata aktuale e të cilit skadon në vitin 2028.
Në kontratën e re pritet të rritet klauzola e largimit që aktualisht është 15 milionë euro, po ashtu do të ketë edhe rritje të ndjeshme të pagës së lojtarit.
