Tifozët e Manchester United i shprehën qartë ndjenjat e tyre pas humbjes poshtëruese 3-0 që klubi pësoi ndaj Bournemouth në “Old Trafford” të dielën. Një video, e cila u bë virale, tregon një kontrast të theksuar në mënyrën se si u pritën Michael Carrick dhe lojtarët e tij.
Ndërsa mbështetësit këndonin për trajnerin Carrick teksa ai largohej nga fusha, thirrjet u shndërruan shpejt në vërshëllima të forta kur lojtarët e Manchester United ndoqën trajnerin e tyre drejt tunelit.
Ky moment tregoi qartë se ku është përqendruar aktualisht zhgënjimi në “Old Trafford”. Pavarësisht rezultateve tejet të dobëta të United, tifozët duket se e ruajtën simpatinë e tyre për Carrick, ndërsa zemërimin ndaj lojtarëve e shprehën në mënyrë të padiskutueshme.
Teksa i afrohej tunelit, Carrick vendosi dorën në zemër si shenjë falënderimi për tifozët që kishin qëndruar për të thirrur emrin e tij. Megjithatë, sapo ai u largua drejt tunelit atmosfera ndryshoi totalisht.
Lojtarët që po largoheshin pas tij u pritën me vërshëllima të shumta, pas një tjetër paraqitjeje që nuk u dha tifozëve të United asnjë arsye për t’u gëzuar. Gjithsesi, e ardhja e trajnerit është në dilemë.
Man United fans boo their players but applaud Michael Carrick #manutd #epl
