Harry Kane nuk tërhoqi vëmendjen në ceremoninë e “Ballon d’Or” vetëm për arritjet e tij në futboll.
Kapiteni i Anglisë ra në sy edhe me pamjen e tij, duke u shfaqur me një orë të rrallë që i dha një shkëlqim të veçantë natës më të rëndësishme të karrierës së tij.
Sulmuesi i Bayern Munich mbërriti në teatrin “London Palladium” të hënën në mbrëmje, së bashku me bashkëshorten e tij Kate Goodland, duke mbajtur në dorë një orë “Rolex Cosmograph Daytona” të punuar me safirë blu – një nga modelet më të rralla dhe më luksoze të markës së famshme zvicerane.
Faqja franceze e internetit “Foot Mercato”, duke iu referuar gazetës britanike “The Sun”, e vlerëson orën në rreth një milion paund, që përkon me afro 1,15 milionë euro.
Ajo spikat për një dizajn të jashtëzakonshëm, duke ndërthurur një fushë të punuar nga gurë meteoriti me një kornizë të zbukuruar me safirë blu, çka e bën atë një nga modelet më unike dhe më tërheqëse në mesin e edicioneve luksoze të “Rolex”-it.
