Thursday, 19. November 2026
Sport

Prishtina – Drenica, ndeshja hapëse e xhiros 14

GS 19/11/2026 1 Min. Lesezeit

Me ndeshjen ndërmjet Prishtinës dhe Drenicës, do të hapet xhiro e 14-të në Superligën e Kosovës në futboll.

Kjo përballje, luhet të premten në stadiumin “Fadil Vokrri” në kryeqytet me fillim nga ora 17:00.

Sigurisht, Prishtina shihet favorit në këtë ndeshje duke pasur parasysh formën e mirë që e ka treguar deri më tani në këtë sezon.

Ekipi i drejtuar nga trajneri Orges Shehi, prinë në tabelë me 32 pikë të mbledhura dhe po synon fitoren e 11-të në kampionat.

Në anën tjetër, Drenica ka 12 pikë dhe zë vendin e tetë në tabelë kurse nuk di për fitore prej xhiros së shtatë pasi në gjashtë ndeshjet e fundit ka tri barazime e tri humbje.

Dueli i parë mes Prishtinës dhe Drenicës, i luajtur në Skenderaj pati përfunduar me triumfin 4:1 të ekipit nga kryeqyteti.

Teilen: