Havier Zaneti mendon se Interi e ka merituar plotësisht finalen e Ligës së Kampioneve. Kapiteni legjendar i zikaltërve, tashmë në rolin e zëvendëspresidentit, ka folur pas sfidës për objektivin e rëndësishëm të arritur, si dhe për ekipin që nuk do të dëshironte të kishte përballë.
“Ky grup e meritonte mundësinë që të luante një tjetër finale pas 13 vitesh. Të presim të shohim rivalët nesër, por ajo që kemi bërë është e rëndësishme.
Unë do të dëshiroja të shmangim Real Madrid. Ky kompeticion është i bërë për ta. Ishte një rrugëtim i gjatë, të përballësh një derbi në gjysmëfinale, nuk është e lehtë dhe unë e kam përjetuar si lojtar edhe ta humbas.
Lautaro? Jam shumë i lumtur për të, çdo vit rritet dhe tani është një lojtar kyç. Do ta mbajmë afër. A do qëndrojë gjatë? Për momentin po dhe t’i gëzohemi. Ai është shumë i lumtur këtu pasi ka shtëpinë dhe familjen. Shpresoj të qëndrojë sa më gjatë të jetë e mundur”, tha Zaneti pas sfidës.
PANORAMASPORT.AL
