Klubet e Premier League janë kundër shitjes së Manchester United te sheikët e Katarit.
Është ky zbulimi i të përditëshmes britanike “The Indipendent”. Gazeta tregon edhe arsyet, teksa sipas saj 17 klube të kampionatit elitar të futbollit anglez do ta kundërshtojnë njëzëri këtë mundësi.
Të premten, pronarët e “Djajve të Kuq” do të vendosin për shitjen e klubit legjendar. Në tavolinën e familjes Glazzer janë dy oferta. Ajo e miliarderit britanik Sir Jim Ratcliffe dhe ajo e fondit të investimeve të Katarit, të përfaqësuar nga sheiku Jasim Al-Tani.
Ky i fundit është gati të paguajë 6 miliard paund për të marrë 100% të pronësisë së Manchester United. Por skuadrat e tjera të Premier League i frikësohen një tjetër “klubi-shtet” pas Manchester City dhe Newcastle.
Sipas tyre, burimet e pashtershme financiare të pronarëve-sheikë të këtyre skuadrave do ta bënin garën të padrejtë. / h.ll/abcnews.al
