Lewis Hamilton ka lavdëruar anësorin e Real Madridit, Vinicius Junior duke e quajtur “jashtëzakonisht guximtar” në reagimin e tij ndaj abuzimit racor në Spanjë.
Shtatë herë kampioni i botës në Formula 1, Lewis Hamilton thotë se abuzimi racist ndaj anësorit të Real Madridit, Vinicius Junior është “shkatërrues” dhe ngjall emocione nga përvojat e tij.
Reprezentuesi brazilian u shpreh në mediat sociale pasi u abuzua në ndeshjen e së dielës me Valencia, duke thënë se La Liga “i përket racistëve” dhe ishte një problem që ai kishte duruar gjatë gjithë sezonit.
“Është shkatërruese të mendosh se në vitin 2023 ne ende po i shohim këto gjëra dhe po i dëgjojmë këto gjëra”, tha ai në Monako të enjten përpara ‘Grand Prix’ të kësaj fundjave, përcjellë lajmi.net.
“Me të vërtetë më godet mua, me të vërtetë sjell emocione, gjëra që kam përjetuar – qoftë kur isha kthyer në Britani të Madhe, qoftë kur isha duke garuar në Itali, Francë apo Spanjë”, ishin fjalët e tij.
Vlen të përmendet që Vini Jr ka marrë mbështetje maksimale nga e gjithë bota pas thirrjeve të shumta racore ndaj tij,/Lajmi.net/
