Shanset që Interi të jetë në gjendje të transmetojë finalen e Ligës së Kampionëve për tifozët e tyre në ekranet gjigante në “San Siro” në mbrëmjen e 10 qershorit duken mjaftë të larta.
Këhstu raporton “Gazetta dello Sport” e cila thotë se ka shumë mundësi që Interi të jetë në gjendje të marrë dritën jeshile të nevojshme për të hapur stadiumin për tifozët e tyre për mbrëmjen e finales së Ligës së Kampionëve. Tifozët zikaltër mund të ndjekin kështu ndeshjen kundër Manchester Cityt më 10 qershor në Stamboll. në një ekran gjigant të pozicionuar në sektorin e portokalltë.
Komuna e ka mbështetur këtë ide, e cila do të shmangte grumbullimet që nuk janë të lehta për t’u menaxhuar në qendër të Milanos.
Meqenëse ende nuk është marr një vendim final, nuk mund të përcaktohet numri i saktë i biletave që do të shiten. Megjithatë, ato duhet të jenë rreth 30 mijë. Ajo që është e sigurt është se lëndina do të përdoret, po ashtu të tri unazat e “E kuqe” dhe ndoshta segmentet anësore “gjelbër” dhe “blu”.
Biletat e hyrjes, pra, do të kenë kosto të ndryshme, por ideja është që të hyjnë të gjithë tifozët e interesuar.
