Siç konfirmohet nga gazetari i njohur, Fabrizio Romano, Zlatan Ibrahimovic ka vendosur të largohet nga Milani.
Ibrahimovic do të largohet nga Milani për shkak se i skadon kontrata në fund të këtij muaji, dhe kontrata e tij nuk do të rinovohet, transmeton lajmi.net.
Legjenda e “Rossonerëve” do t’i jap lamtumirën e fundit klubit dhe tifozëve të Milanit pas ndeshjes së sotme në ‘San Siro’ kundër Veronas.
Ibrahimovic do të vendos të ardhmen e tij gjatë javëve në vazhdim. Suedezi ka zbuluar se Monza e ka kontaktuar atë së fundmi dhe se ka një kontratë të gatshme për të.
Vlen të theksohet se sulmuesi do të mbush 42 vjeç në muajin tetor./Lajmi.net/
