Juventusi po shikon përreth për të forcuar një repart, atë sulmues, që mund të ndryshojë shumë për sezonin e ardhshëm.
Siç raporton “Sportmediaset”, një ide për të forcuar sulmin e Juventusit do të ishte ajo që do të çonte te Roberto Firmino, sulmues i lindur në vitin 1991. Ish-titullar i kombëtares braziliane, pasi nuk rinovoi me Liverpulin, duket i destinuar të transferohet falas pas 30 qershorit. Shumë do të varet nga konkurrenca dhe kërkesat për angazhimin e Firminos, i cili në çdo rast mbetet një profil i mirëpritur për klubin e Juventusit, që te sulmuesi në fjalë do të gjente përvojën dhe cilësinë, që nuk është venitur pavarësisht 32-viteve të bomberit.
HALLET E VLAHOVIÇIT Problemet e Dushan Vlahoviçit nuk kanë të sosur. Ndalesa e re i imponohet nga pubalgjia, një problem që zvarritet për më shumë se një vit mes uljeve dhe ngritjeve dhe që e kishte prekur tashmë në finalen e sezonit të kaluar, aq sa në qershor 2022 sulmuesi kishte humbur katër ndeshjet me Serbinë, duke mbetur për trajtim në Torino.
Lëndimi dukej se ishte zgjidhur, dhe në vend të kësaj u rishfaq gjatë sezonit që sapo mbaroi, i bezdisshëm dhe i luhatshëm siç është tipike për dhimbjet e ijeve. Problemi është rishfaqur dhe DV9 do të humbasë impenjimet me kombëtaren kundër Jordanisë dhe Bullgarisë. Sidoqoftë, në drejtim të tij nuk mungon interesit.
Menaxherë të lojtarit raportohen në Bavari ku po diskutojnë një transferim të mundshëm në radhët e Bajernit të Mynihut. Edhe Çelsi e ndjek me interes situatën, por pista angleze nuk e josh shumë sulmuesin e Juves për shkak se bëhet fjalë për një klub që nuk luan në Ligën e Kampioneve.
REINOLD BAKALLI-PANORAMASPORT.AL
