Real Madridi i pagoi 103 milionë euro Borussia Dortmundit për transferimin e Jude Bellingham në Bernabéu, por marrëveshja mund të kushtojë shumë më shumë para për skuadrën madrilene.
Kjo pasi klubi gjerman ishte i vendosur në negociata dhe arriti, sipas Bild, të shtonte variabla që mund të sillnin 30.9 milionë euro të tjera në arkën e klubit, pra gati 30 për qind më shumë se çmimi bazë i transferimit.
Bild siguron që të paktën 25 të tjera nga ato 30.9 milionë euro mund të arrihen lehtësisht, pasi ato janë bonuse që lidhen me objektivat kolektivë, si fitimi i ligës spanjolle ose Ligës së Kampionëve, dhe të vlefshme përgjatë gjashtë viteve të kontratës së nënshkruar.
Por ka më shumë. Në këtë ekuacion hyn edhe kualifikimi i Realit për në Ligën e Kampionëve, duke qenë lehtësisht i arritshëm, por edhe objektiva të tjerë individualë, që nga minutat e përdorimit, deri te hyrja në ekipin e vitit të çmimeve FIFA The Best.
