Sulmuesi Almir Ajzeraj i është rikthyer stërvitjeve te Drita në fazën përgatitore para ndeshjes së garave evropiane.
Drita ka njoftuar se Ajzeraj ka bërë një hap drejt rikuperimit, pasi ka nisur stërvitjet me top, shkruan lajmi.net.
“Hapi tjetër në rrugën e rikuperimit. Almir Ajzeraj është ribashkuar me topin” – thuhet në njoftimin e Dritës e cila ka publikuar në faqen zyrtare edhe disa fotografi të Ajzerajt gjatë stërvitjes.
Nënkampionia e Kosovës po qëndron në Bullgari tash e disa ditë për të mbajtur fazën përgatitore para ndeshjes evropiane.
Drita do të luajë në raundin e dytë të Ligës së Konferencës dhe kundërshtar ka ekipin e madh çek, Viktoria Plzen.
Ndeshja e parë ndërmjet Viktoria Plzenit dhe Dritës do të luhet në Çeki, ndërsa e kthimit në Prishtinë./Lajmi.net/
