Milot Rashica e ka shprehur dëshirën për ta vazhduar eksperiencën turke pasi po ndihet mjaft mirë në Galatasaray.
Ylli kosovar e kaloi një sezon të shkëlqyeshëm në Superligën turke, por tek klubi nga Stambolli ishte vetëm i huazuar dhe tash përkohësisht është rikthyer në Norwich City.
Pasi klubi anglez nuk luan në Premierligë, vushtrriasi nuk e ka ndërmend të qëndrojë më aty.
Krahas Galatasarayt, në Turqi 27 vjeçarin e duan edhe dy gjigantët tjerë të qytetit, Fenerbahçe dhe Besiktasi.
Ndërsa, mediat turke shkruajnë se përfaqësuesin kosovar e duan edhe klubet e Premierligës dhe të Bundesligës, ndonëse nuk janë përmendur klubet e interesuara.
