Real Madrid ka prezantuar ditën e sotme mesfushorin turk Arda Gyler, i cili zgjodhi madrilenët para Barcelonës. Në konferencën e prezantmit, mesfushori shihet jo pak i emocionuar duke qenë disa herë edhe me lot, teksa një moment ka shkaktuar edhe të qeshura në sallë.
Në momentin kur presidenti Florentino Perez po fliste, ka përmendur emrin e Gyler dhe e ka duartrokitur ndërkohë që ky i fundit nga emocionet është çuar në këmbë dhe ka shkuar duke qëndruar pranë presidentit, pavarësisht se numri një i Realit i bëri me shenjë që të qëndronte në vend.
Megjithatë, situata ka kaluar me të qeshura dhe nga presidenti Perez nuk kanë munguar elozhet karshi lojtarit. Mesfushori u shpreh se dëshiron të bëhet një legjendë e klubit dhe se është gati për këtë eksperiencë të re.
PANORAMASPORT.AL
