E ardhmja e Ançelotit në krye të Realit të Madridit ka qenë një temë diskutimi për muaj me radhë. Por tani gjithçka ka mbaruar me italianin që ka qëndruar në Madrid edhe për sezonin e ri.
Ndërkohë që nga Brazili janë të bindur se ai ka firmosur me federatën e këtij vendi dhe duke nisur nga qershori 2024 ai do të drejtojë 5 herë kampionët e botës.
Kështu ka deklaruar presidenti Ednaldo Rodriges. Por teksa numri një i federatës braziliane ka thënë hapur se Ançeloti do të jetë trajneri i ri i Brazilit, vetë tekniku i Realit ka zgjedhur heshtjen. Në këtë histori ka ndërhyrë dhe ishmbrojtësi i Brazilit, Roberto Karlos.
Ambasadori i Realit ka saktësuar se është i lumtur ta shohë Ançelotin në krye të Brazilit, por braziliani ka ngritur pikëpyetje mbi marrëveshjen e pretenduar nga CBF-ja.
“Jam me Ançelotin dhe dua ta shoh në krye të Brazilit, por nuk mendoj se ai ka firmosur një kontratë me federatën e Brazilit teksa është ende nën kontratë me Realin”, tha Karlos.
PANORAMASPORT.AL
