Futbollisti i Kombëtares së Kosovës, Milot Rashica ende nuk ka vendosur për të ardhmen e tij dhe ende është duke i vazhduar pushimet.
Është duke u diskutuar një kthim i futbollistit kosovar në Galatasaray, por ende nuk është arritur një marrëveshje finale, shkruan Lajmi.net
Këto “telashe” i konfirmon edhe trajneri i Galata-s, Okan Buruk.
Ai thotë se Rashicën e dëshiron në ekip, por nuk po arrin marrëveshje me klubin nga Championship, Norwich City.
“Kërkesa jonë për transferimin e Milot Rashicës dhe negociatat janë duke vazhduar. Ka dallim mes ofertës tonë dhe të klubit anglez. Nëse ka zgjidhje, duam ta shtojmë në skuadër”, është shprehur trajneri i Galatasarayt.
Kujtojmë që skuadra e Norwich Cityt është duke kërkuar plotë 12 milionë euro për futbollistin kosovar./Lajmi.net/
