Trajneri i Ballkanit, Ilir Daja komentoi eliminimin nga Liga e Kampionëve.
Ballkani u turpërua në Bullgari, pasi u mposht 4:0 në ndeshjen e dytë ndaj Ludogorets, rezultati nga dy ndeshjet 4:2.
Pas këtij takimi aspak të mirë për kampionin e Kosovës foli edhe trajneri.
Sipas tij favorit ishin bullgarët dhe e pranoi që nuk e nisën mirë ndeshjen, përcjellë lajmi.net.
“Pa filluar ndeshja e parë Ludogorets ishte favorit. Neve na u rriten pritshmëritë në atë lojë shumë të mirë që bëmë në Prishtinë, kundër një ekipi që ka një buxhet goxha të madh. Ne sonte ia filluam shumë keq ndeshjes, ku qysh në minutat e para pësuam gol. Sigurisht që kjo për meritë të kundërshtarit sepse ne ramë në presionin e tyre. Nuk u përshtatem me lojën me presion që bën ata. Ishim gabim taktikisht.
Për t’i arritur këto nivele duhet të investojmë më shumë në të gjitha aspektet”, ishin fjalët e Dajës.
Gjithsesi Ballkani do ta vazhdojë aventurën në garat evropiane, përkatësisht në Ligën e Konferencës./Lajmi.net/
