Kampionati i Arabisë Saudite vazhdon të shtojë radhët me emra të njohur të futbollit botëror dhe listës i është shtuar edhe sulmuesi anësor brazilian Malkom.
Për ata që e kanë harruar, braziliani u kthye në një ”mollë sherri” mes Romës dhe Barcelonës pasi katalanasit praktikisht i ndërruan mendjen në aeroport futbollistit që të shkonte në Spanjë dhe jo në Itali. Ai rezultoi një dështim i plotë të katalanasit, duke mos u shfaqur asnjëherë në nivelin që kërkohej nga ky klub dhe u transferua së fundmi te Zenit në kampionatin rus.
Paraqitjet e tij në vitin e fundit kanë qenë të mira dhe ai fitoi edhe një ftesë nga përfaqësuesja e Brazilit. Gjë që ka rritur famën e 26-vjeçarit, i cili nesër pritet në Arabinë Saudite për të firmosur me klubin e Al Hilal ku gjenden lojtarë si Milinkoviç-Savicc dhe Kulibali.
Zenit Shën Petersburg do të përfitojë rreth 30 milionë euro, ndërsa lojtari do të përfitojë rreth 18 milionë euro në vit nga kontrata me sheikët.
PANORAMASPORT.AL
