Dita e sotme dhuroi disa lajme shumë të bujshme rreth Kilian Mbape. Oferta e sheikëve që u pranua nga PSG ishte vetëm një prej tyre, pasi një nga më të bujshmet ishte lajmi i interesimit të Barcelonës për futbollistin. Lajmi u përhap me shpejtësi dhe çuditi të gjithë… edhe vetë katalanasit.
Mediat spanjolle janë interesuar pranë klubit dhe te Barcelona kanë qenë po aq të çuditur sa tifozët rreth këtyre lajmeve që janë përhapur sot. Larg mikrofonave, përfaqësues të klubit katalanas kanë bërë të ditur për “AS” teorinë e tyre rreth këtij lajmi që u përhap me shpejtësi pa asnjë bazë logjike.
Brenda klubit e cilësojnë këtë vetëm si një manovër të organizuar nga vetë PSG për të inatosur Real Madridin. Por katalanasit kanë bërë të qartë se nuk kanë asnjë lidhje me këto zëra, edhe pse “L’Equipe” kishte publikuar lajmin se kishte një takim mes klubeve për të diskutuar për futbollistin,.
Katalanasit janë të ndërgjegjshëm që nuk kanë asnjë hapësirë financiare të mundshme të financojnë një transferim të tillë, apo të paguajnë shifrat që kërkon Mbape. Ndaj prej kohësh e kanë cilësuar kapitull të mbyllur që pa u hapur atë të francezit.
PANORAMASPORT.AL
