Real Madridi ka arritur të fitojë edhe miqësoren e dytë në Amerikë, duke mundur këtë radhë Mançester Junajtidin me rezultatin 2-0. Një gol i shënuar që në minutën e 6 nga Belingam, e ka bërë gjithçka më të lehtë për të besuarit e Karlo Ançelotit.
Një dalje e pa studiuar mirë nga Onana, ka gjetur të përgatitur mesfushorin anglez që me një parabël, ka gjetur golin e parë me fanellën e Realit. Në të dytën ka qenë radha e Joselu për të lënë firmën e tij.
Pas një krosimi në zonë nga Lukas Vazkes, Joselu ka shënuar me një roveshatë duke i dhënë fitoren e dytë skuadrës së tij në turin amerikan. Reali ka edhe dy ndeshje të tjera miqësore, ku do të përballet me Barcelonën në datën 29 dhe me Juventusin në datën 3 gusht.
REAL MADRID 2-0 MANÇESTER JUNAJTID
6’ Belingam, 89’ Joselu
PANORAMASPORT.AL
