Për të dytin vit radhazi Reali mundet në miqësoren para sezonale kundër Barcelonës në SHBA. Në vitin 2022, “los blancos” mundeshin 0-1 në Las Vegas. Mes të shtunës dhe të dielës së kaluar humbja ka qenë më e thellë, 0-3.
Por trajneri i Madridit, Karlo Ançeloti nuk është shfqur zhumë i mërzitur nga humbja. Ajo çfarë e ka shqetësuar teknikun italian është moria e rasteve të shpërdoruara nga ekipi i tij ku veç të tjerave regjistroi një penallti të humbur dhe 4 shtylla, që gjatë takimit u bënë pesë së bashkua me atë të Oriol Romeut për Barcelonën.
Çfarë analize i bëni ndeshjes?
Ishte një ndeshje e mirë, e luajtur mirë. Kishim mundësi dhe shumë lëvizje. E keqja është rezultati. Ne nuk ishim të qartë në goditjet standard dhe në fund të takimit kur duke u hedhur në sulm prishëm ekuilibrat. Më dhemb rezultati, por shoh dhe anët pozitive. Nuk më kishte ndodhur të shihja 5 shtylla në një ndeshje, por më mirë që ndodhën tani para se të nisë sezoni.
Dukej sikur topi nuk donte të futej në portë?
Mu duk sikur kishte një mur në portën e Barcelonës. Jemi një ekip i ri dhe duhet të përshtatemi, por sinjalet janë të mira. Duhet të vazhdojmë. Pa një 9 fikse kemi shanse të dalim me më shumë lojtarë para portës kundërshtare dhe kjo është pozitive.
A do të thotë zëvendësimi i Modriç dhe Kros se do t’i shohim më pak këtë vit?
Jo, objektivi ishte të shikoja të rinjtë në një ndeshje me intensitet maksimal dhe ata e kanë interpretuar mjaft mirë.
Në fushë pamë një skuadër shumë të re në moshë. Tranzicioni i butë duket se është në proces…
Tranzicioni për të cilin po flisni nuk ka nisur tani. Këta lojtarë, Vinicius, Rodrigo, Valverde, Tçuameni…, do të kenë më shumë rëndësi. Unë shoh një të ardhme shumë të mirë.
Si janë Arda Gyler dhe Mendi?
Arda ka një problem në gju, shpresojmë se ai mund ta zgjidhë atë në Madrid. Edhe Mendi nuk mendoj se do të ketë diçka shumë serioze.
Cili është vlerësimi juaj për paraqitjen e bërë nga Vinicius?
Vinicius përshtatet mirë. Ai ka goditur dy herë traversën (përveç penalltisë). Ai ka qenë një protagonist pozitiv në këtë takim.
PANORAMASPORT.AL
