Majk Menjo është padyshim një nga portierët më të mirë në Itali dhe jo vetëm. Me fanellën e Milanit, portieri francez është kthyer në protagonist duke qenë shpesh herë heroi i skuadrës kuqezi. Por, porta nuk ka qenë dëshira më e madhe e portierit në të shkuarën.
Në një intervistë për “ESN Talk”, Menjo u shpreh se dëshira e tij e parë ka qenë që të jetë një sulmues duke qenë se roli i portierit i është dukur një rol i mërzitshëm. Ai shtoi se sot, zgjohet çdo ditë duke menduar që të bëhet më i miri.
“Kam nisur të luaj futboll kur isha 6-7 vjeç. Doja të bëhesha një sulmues ose një lojtar i avancuar. Më pas të luaj në rolin e portierit. Nuk doja të bëhesha, ishte një rol i mërzitshëm. I sheh të gjithë duke luajtur futboll dhe ti rri në portë, mërzitesh.
Çdo ditë punoj tre herë më shumë. Dhe këtu, jam duke punuar në detaje. Unë kam kuptuar tashmë pothuajse të gjitha bazat. Përpiqem t’i mbaj këto baza dhe të punoj në detaje. ‘Pse e ndalova topin?’. “Pse nuk e kisha këmbën në top në atë kohë?”
Pse nuk po përballesha në këtë mënyrë?” Dhe më pas bëhet më shumë një punë mendore ku në çdo situatë, duhet të jem të paktën dy ose tre sekonda përpara. Kur lojtari ka topin, unë tashmë e di që i kam të gjitha zgjidhjet. Ose gjuan në shtyllën e afërt ose kroson ose driblon. Dhe nuk e vë veten nën presion. Zgjohem çdo mëngjes me dëshirën për t’u bërë më i miri”, u shpreh Menjo.
PANORAMASPORT.AL
