Myrto Uzuni është një nga lojtarët që ka ngjallur interes të madh në merkato, falë sezonit të shkëlqyer që zhvilloi vjet.
Por Granada nuk ka ndërmen ta lëshojë nga duart për më pak se 25 milionë euro.
I pyetur në lidhje me këtë çështje, drejtori i përgjithshëm i klubit spanjoll ka thënë për “La Liga TV” se Uzuni është jetik për skuadrën dhe çdo ekip që e dëshiron duhet të paguajë klauzolën e përcaktuar në komtratë.
“Është një lojtar jetik për ne.
Ai ishte golashënuesi më i mirë dhe çdo skuadër që na pyet për të, ne e referojmë atë në klauzolën e tij të përfundimit, prej 25 milionë, sepse nuk kemi ndërmend ta shesim për më pak”, ka bërë të qartë Alfredo Garcia Amado.
