Që Milanit i nevojitet një “pykë” kjo nuk është mister. Drejtuesit kanë kohë që kërkojnë një zëvendës për Olivie Zhirunë dhe kërkimet kanë nisur që në kampionatin e kaluar, kur në krye të sektorit teknik ishte Paolo Maldini.
Pikërisht ky i fundit kishte rënë dakord me Marko Arnautoviçin që të vishej kuqezi. Ishdrejtori kishte pak me lojtarin, teksa ishte shumë pranë marrëveshjes me Bolonjën, por shkarkimi i tij ndryshoi gjithçka. Pasi pronari Xherri Kardinale shkarkoi legjendën, të gjitha paktet që ai kishte bërë u anashkaluan. Për pasojë edhe situata e Arnautoviçit ndryshoi.
Fillimisht ishte Bolonja që donte ta mbante e më pas mbërriti Interi, që me ofertat e veta (për sulmuesin dhe klubin kuqeblu) arriti të rikthente një kampion në Ligën e Kampioneve të vitit 2010. Këtë lajm e ka bërë të ditur Karlo Pelegati. Ka qenë pikërisht gazetari shumë pranë botës milaniste që ka zbuluar këtë prapaskenë merkatoje.
Edhe pse si zëvendësues, në sfidën hapëse kundër Monzës, ai ofroi një asist e mund të kishin qenë dy nëse një pasim tjetër i artë prej tij do të ishte shfrytëzuar nga shokët.
PANORAMASPORT.AL