Karlos Tevez ka shumë nostalgji për Juventusin dhe këtë nuk mungon që ta pranojë hapur në rrjetet sociale, në një intervistë të shkurtër me uebsajtin “TuttoJuve”. Arsyeja e këtij kontaktimi ishte edhe emërimi dhe detyra e re e “Apashit”, si trajneri i ri i skuadrës së Indipendientes, pas aventurës së parë me Rozario Sentral.
Dhe pavarësisht shumë viteve shkëputje (luajti mes viteve 2013-2015), tregon se lidhja e tij me Juventusin ka mbetur shumë e fortë, jo vetëm nga ana e tij, por edhe e bashkëshortes, Vanesa.
“Transferimi i Juventusit ishte njësoj si një fllad ere i freskët për karrierën time, por edhe për familjen time. Ajo aventurë ishte e pabesueshme që në ditën e parë, sepse të mbërrija te Juventusi dhe të trashëgoja bluzën e Alesandro del Piero ishte vërtet një çmenduri. Ishte një moment i madh për mua dhe kur mora vendimin për t’u kthyer në Argjentinës, Vanesa, bashkëshortja ime, donte më të vriste! Të më pushkatonte!
E gjithë sepse në Itali ishte gjithçka shumë e thjeshtë për ne. Fundja, italianët janë shumë të ngjashëm me ne argjentinasit. Të gjithë jemi shumë të lidhur me familjet, prandaj një pjesë e vogël e zemrës sime do të mbetet përjetë në Itali. Në çdo ndeshje, sa herë që kam veshur bluzën e Juves kam lënë në fushë një copë të zemrës sime dhe mendoj se këtë e kanë kuptuar shumë mirë edhe tifozët bardhezi.
Por kur je kaq i lidhur me një skuadër, duhet të ndahesh menjëherë, ndryshe bëhet e vështirë të largohesh. Kështu që unë, menjëherë pasi luajta ndeshjen e fundit me Juven, finalen e Champions-it me Barcelonën në vitin 2015, u riktheva menjëherë në Argjentinë, ndryshe nuk do të mund të largohesha dot më. Por ishte një zgjedhje e nevojshme për mua”, u shpreh Karlitos Tevez.
PANORAMASPORT.AL
