Mesfushori i Ballkanit, Lindon Emërllahu është operuar me sukses pas lëndimit që pësoi jo shumë kohë më parë.
Lajmin e ka konfirmuar klubi suharekas me anë të njoftimi në faqen zyrtare, shkruan lajmi.net.
Emërllahu është operuar me sukses në gjurin e djathtë të këmbës.
Ballkani fitoren e madhe 4:1 kundër BATE Borisov një natë më parë ia dedikoi Emërllahut.
“Fitorja e djeshme i dedikohet diamantit të klubit tonë Lindon Emërllahut, i cili pas një lëndimi gjatë ndeshjes kundër FC Larne, është detyruar të kryej një operacion në gjurin e djathtë. Operacioni është kryer me sukses dhe Lindonit i dëshirojmë rikthim sa më të shpejtë” – thuhet në njoftimin e Ballkanit.
Ballkani të enjten mbrëma fitoi ndeshjen e parë të “Play-Off”-it kundër BATE Borisov në stadiumin “Fadil Vokrri” në Prishtinë.
Futbollistët e Ballkanit një nga golat e shënuar mbrëmë e festuan duke ngritur lart fanellën e Emërllahut në shenjë solidariteti./Lajmi.net/
