Interi ka bërë një goditje të papritur në ditën e fundit të afatit kalimtar veror duke përforcuar repartin e mesfushës.
Mesfushori Davy Klaassen tashmë ka zbarkuar në Milano për t’i kryer testet mjekësore me Interin.
“Nerazzurrët” do ta mbyllin afatin kalimtar të verës me këtë përforcim në mesfushë pasi 30-vjeçari Klaassen do të nënshkruajë një marrëveshje dyvjeçare me gjigantët e Serisë A.
Eksperti i “Sky Sport Italia”, Gianluca Di Marzio, ka shpërndarë videon e mesfushorit holandez duke arritur në aeroportin Malpensa, gati për t’iu nënshtruar testeve mjekësore me skuadrën e Simone Inzaghit.
Burime të shumta, përfshirë Fabrizio Romano, thonë se Interi nuk do të paguajë asnjë qindarkë për Klaassen pasi 30-vjeçari do të përfundojë një transferim falas nga Ajaxi.
