Reagimet për ndeshjet Rumani – Kosovë vazhdojnë që nga dita e martë kur u zhvillua ndeshja në Bukuresht.
Mediat në Serbi kanë raportuar në vazhdimësi për takimin, të cilin e humbi Kosova me rezultat 2:0.
Gazetarja Qeqa Krelani ka reaguar pas ndeshjes në rrjetet sociale duke e kritikuar futbollistin tonë Edon Zhegrova për një deklaratë të tij pas ndeshjes teksa ka thënë se te Kosova ka probleme të brendshme”.
“Nuk mund ta marr seriozisht këtë “lodër” (Zhegrovën). Problemi ishte egoizmi i tij në fushë”, ka shkruar ndër të tjera Krelani.
Kjo deklaratë ka bërë bujë në mediat serbe.
“Kurir.rs” e ka bërë një shkrim në lidhje me këtë deklaratë duke e cituar Krelanin me titullin e shkrimit: Bukuroshja shqiptare reagon ndaj atyre qe brohoriten “Kosova është Serbi”, shkruan Lajmi.net.
Ndryshe ndeshja u tensionua në pjesën e parë pasi në një transparent nga tifozët rumunë shkruhej “Kosova është Serbi” dhe në tjetrën “Bessarabia është Rumani”.
Për këtë arsye ndeshja u ndërpre për 50 minuta dhe rumunët kanë frikë se UEFA do t’i ndëshkojë duke ua hequr fitoren dhe tre pikët e fituara në fushë.
