Një sërë lojtarësh shqiptarë janë transferuar këtë merkato vere në kampionatin italian të futbollit, Serie A, ku një prej tyre është talenti 17-vjeçar me origjinë shqiptare, Arijon Ibrahimovic, i cili u transferua nga “bavarezët” e Bayern Munich drejt skuadrës së sapongjitur në elitën e futbollit italian.
Talenti 17-vjeçar u prezantua këtë të premte te Frosinone, teksa gjatë fjalës së tij u shpreh se “modeli” i cili ndjek në fushën e blertë është ai i “katalizatorit” të mesfushës së Bayern Munich, Leon Goretzka
“Modeli im është Leon Goretzka. Ai më ka dhënë shumë këshilla. Më pëlqen të luaj si numër 8 ose 10, por më parë kam luajtur edhe si sulmues krahu dhe qendërsulmues.
Frosinone? Ndodhem këtu prej pak kohësh, por e kam kuptuar menjëherë se skuadra dhe tifozët janë si një familje. Mezi pres të luaj dhe ta shoh stadiumin plot. Forma ime është e mirë. Nuk e di nëse jam në gjendje të luaj 90 minuta, por jam gati të zbres në fushë nga minuta e parë”, theksoi Ibrahimovic. /i.m /abcnews.al
