Jadon Sancho në janar tek gjiganti Italian.
Jadon Sancho nga janari në Serie A.
Sulmuesi anglez, Jadon Sancho bëri bujë të madhe kur në verën e vitit 2021 iu bashkua Manchester United për 85 milionë euro.
Por 23-vjeçari nuk ka arritur të tregojë veten në Old Trafford dhe këtë sezon është lënë jashtë skuadrës nga trajneri Ten-Hag.
Sipas Calciomercato, nga kjo situatë kërkon të përfitojë Juventusi, me Biankonerët që synojnë transferimin e Sancho-s në merkaton e janarit.
Biankonerët janë në kërkim të një sulmuesi për krahun e djathtë dhe e kanë piketuar anglezin si përforcimin ideal.
Te Zonja e Vjetër synojnë huazimin e Sanchos me opsion blerjeje dhe në janar anglezin sipas të gjitha gjasave do ta shohim në Serie A.
