Marrëdhënia mes Leonardo Bonuçit dhe Juventusit përfundoi në mënyrën më të shëmtuar të mundshme. Por pas gjithë kësaj historike fshihen personazhe të shumta. Ai kyçi është sigurisht trajneri Alegri, me të cilin pati një raport të tensionuar dhe ajo batuta e Maks nuk ishte shumë e këndshme pas rikthimit në stol.
“Nëse do fashën e kapitenit, të shkojë ta blejë për ta vendosur në kuti me shokët”. Nga ai moment raportet e tyre ngrinë tërësisht. Pastaj ishte radha e drejtuesve Xhuntoli dhe Mana, të cilët nuk e kishin më pjesë të planeve të tyre dhe e konsideronin lojtarin e transferuar nga Marota-Paratiçi si një pjesë të së shkuarës, atë të shkuar që kishin firmosur me “BBC”-në e famshëm, me Kielinin dhe Barzaljin, dy shtylla të tjera të mbrojtjes juventine, por edhe shokë të Bonuçit.
Alesandro Luçi është një tjetër personazh i rëndësishëm i kësaj historie, menaxheri i mbrojtësit, i cili është i konsoliduar nga besimi reciprok. Një komponent i rëndësishëm në jetën e Bonuçit ka qenë gjithmonë familja e tij, gruaja Martina dhe tre fëmijët: Lorenco, Mateo dhe Matilda. “Zonja” Bonuçi shpeshherë dëgjohej në momentet e vështira të Leos, bashkimi i tyre shpesh bënte diferencën në pasazhet delikate të karrierës së futbollistit.
PANORAMASPORT.AL
