Xavi me fjalë të mëdha për yllin e ri të Barçës: Ai është zemra e ekipit.
Barcelona regjistroi fitore mbresëlenëse ndaj Real Betisit të shtunën mbrëma me rezultatin 5:0.
Një lojtar, performanca e të cilit mori vëmendje ishte ajo e Gavit, transmeton Gazeta Express.
19-vjeçari luajti një rol të madh në fitore, edhe pse nuk u përfshi drejtpërdrejt në asnjë nga golat.
Megjithatë, Xavi nuk u interesua për këtë dhe ai lavdëroi Gavin.
Trajneri i Barçës e konsideroi mesfushorin si një pjesë thelbësore të skuadrës së Barcelonës.
“Gavi është zemra e ekipit, ai është një lojtar themelor. Shumë thanë se ai do të luante më pak këtë sezon, por ai është një futbollist shembullor”, deklaroi Xavi.
