Erik ten Hag erdhi me pretendimin se do të sillte suksesin te Mançester Junajtid. Edhe pse ata luftuan në të 4 frontet e mundshme sezonin e shkuar, si përfundim ia dolën të ngrenë trofe vetëm në Kupën e Ligës. Sezoni i ri nuk ka nisur si duhet, e ku 3 humbjet radhazi kanë trazuar jo pak ujërat.
Disfata ndaj Bajernit në Ligën e Kampionëve është një tregues “famëkeq” në spektrin e trajnerit te “djajtë”, e cila koincidon me Ole Gunar Solskjaer. Pikërisht ish-tekniku norvegjez numëroi 3 disfata radhazi me 19 herë kampionët e Premier Ligës. Konkretisht bëhet fjalë për periudhën kur Solskjaer dilte kokulur ndaj Barcelonës në Champions, Evertonit dhe humbjes ndaj Sitit në derbi prillin e 2019-ës.
Bërnlej është kundërshtari i radhës për “djajtë”, i cili mund të zgjasë serinë e humbjeve apo të prishë atmosferën negative. Pas 5 javësh në kampionat, ekipi nën urdhrat e Ten Hagut nuk është aspak mirë, e konkluduar me 6 pikë, e shoqëruar me 6 gola të shënuar dhe 10 të pësuar.
Përtej problemeve në rezultate, në kontingjentin e Mançesterit kanë filluar edhe shkëndijat e para në dhomat e zhveshjes, e ku rasti më flagrant vjen pas humbjes me Brajtonin. Bruno Fernandesh dhe Skot MekTominej u përleshën fizikisht, derisa toni i lartë i Ten Hagut rivendosi qetësinë.
PANORAMASPORT.AL
