Rade Kruniç zyrtarisht është i dëmtuar dhe vizitat mjekësore të së hënës së kaluar shfaqën një problem muskulor që do të vlerësohet përsëri në javën e ardhshme.
Ndërkohë, Stefano Pioli nuk ka mundur ta përdorë në ndeshjet e fundit ndaj Kaljarit dhe as sot ndaj Lacios nuk e ka në dispozicion.
Por, ajo që bën më shumë çudi është fakti se mesfushori është thirrur nga kombëtarja e Bosnjes dhe Hercegovinës për kualifikueset e Europianit që do të luhen më 13 dhe 16 tetor kundër Lihtenshtejnit dhe Portugalisë.
Lidhur më këtë fakt, ka folur trajneri i kombëtares boshnjake, Savo Millosheviç, duke deklaruar se: “E kam grumbulluar Rade Kruniçin sepse kam marrë sinjale që mund të jetë i gatshëm për ndeshjet kualifikuese.”
PANORAMASPORT.AL
