Tiziano Kuznini, 14-vjeçari shqiptar ka vazhduar me suksese në garat e kartingut në Itali.
Kuznini para pak kohësh ka arritur të fitojë titullin e katërt të madh ndërkombëtar në Itali, duke shënuar një tjetër sukses në karrierën e tij.
Ai në një intervistë për lajmi.net është shprehur i lumtur me arritjen së fundmi.
‘‘Jam shumë i lumtur për atë që arrita në këtë garë. Gara ka qenë e vështirë por që në fund ia dola’’ – tha fillimisht Tiziano për lajmi.net.
Tiziano Kuznini në finale mposhti për pak sekonda dallim në garë kundërshtarin italian. Për këtë të fundit Tiziano tregoi se çfarë i tha pas triumfit.
‘’Kundërshtari natyrisht se më uroi dhe më tha bravo pas duelit që patëm’’ – theksoi ai.
14-vjeçari që ka një të ardhme të ndritur në sportin e kartingut thotë se ka përkrahjen e familjes.
‘’Familja më ka përkrahur gjithmonë. Ai që më përkrahu më shumë ështa babai im për çka e falënderojë shumë’’ – theksoi ai.
‘’Unë gjithashtu jam edhe në shkollë. Por, kjo nuk më pengon aspak. Unë ndajë kohën për të dyja edhe për sportin edhe për shkollën’’ – deklaroi për fund Tiziano Kuznini./Lajmi.net/
