FC Ballkani pret Dinamo Zagrebin në “Fadil Vokrri” në kuadër të xhiros së dytë të fazës së grupeve të Ligës së Konferencës.
Ka përfunduar pjesa e parë me rezultat 1:0, shkruan Lajmi.net.
Në 45 minutat e parë ndeshja ka qenë mjaft e barabartë, por kanë munguar rastet.
Kampioni i Kosovës ka rrezikuar disa herë me goditje nga largësia, megjithatë nuk ka arritur ta kaloj Ivan Nevistic.
Në pesë minutat e fundit Dinamo e morri iniciativën, por pa arritur ta shfrytëzojnë atë.
Ishte Ballkani që me një kundërsulm dënoi mysafirët.
Almir Kryeziu ka shënuar pas një depërtimi të mirë.
Goli fillimisht u anulua për pozicion jashtë loje, por pas rishikimit të VAR gola ishte e rregullt.
Kampioni i Kosovës është ende pa pikë, pasi ndeshjen e parë e humbi ndaj Vitoria Plzenit me rezultat minimal 1-0.
Në anën tjetër, Dinamo triumfoi lehtësisht ndaj Astanas, duke e mposhtur 5-1. /Lajmi.net/
