Kanë përfunduar tri ndeshjet e para të xhiros së nëntë në Superligën e Kosovës në futboll.
Drita ka arritur ta mposht pa probleme Malishevën me rezultat 3:1, shkruan lajmi.net.
Autogola e Dren Kryeziut ia dhuroi epërsinë skuadrës nga Gjilani, derisa Besnik Krasniqi e dyfishoi rezultatin në minutat shtesë të pjesës së parë.
Kryeziu po ashtu në pjesën e dytë u ndëshkua me karton të kuq.
Pavarësisht se mbeti me një lojtar më pak, Malisheva arriti ta ngushtojë epërsinë.
Për skuadrën e Malishevës në minutën e 58-të realizoi Elom Nyavedji.
Për rezultatin përfundimtar u përkujdes Jashari, i cili shënoi për 3:1.
Fitore ka shënuar edhe Feronikeli 74 ndaj Fushë Kosovës ne rezultat 3:0.
Ibrahim Cervadiku në fund të 45 minutave të parë hapi rezultatin për 1:1.
Shënues i golit të dytë ishte Jakup Berisha që shënoi në minutën e 65-të nga penalltia.
Derisa, Florent Avdyli ishte shënues i golit të tretë në minutën e 68-të pas një skeme të përgatitur.
Dukagjini ka ndalur Gjilanin në një barazim 1:1.
Rezultati në këtë ndeshje u zhbllokua në minutën e 30-të nga goli i Bujar Shabanit, kurse shifrat i barazoi Kushtrim Shabani. /Lajmi.net/
