Pas muajsh të gjatë negociatash me familjen Glejzër, Jasim Bin Hamad Al Tani ka hequr dorë zyrtarisht nga gara për Mançester Junajtidin. Njëri prej reagimeve pas këtij vendimi ka ardhur Tomas Ziliakus, prej kohësh i lakuar për një interes për Interin.
Miliarderi finlandez ka postuar në “Twitter” lajmin mbi sheikun duke e shoqëruar me fjalët: “Jam i lumtur të shoh që keni mbërritur në të njëjtin përfundim që arrita unë disa muaj më parë. Tani le të bashkojmë forcat dhe të blejmë një klub të madh italian dhe ta bëjmë atë më të mirin në botë!”, ishte ftesa e Ziliakusit, dukshëm referuar Interit, të etiketuar edhe në postimin e tij.
Nëse Al Tani, i cili ofroi 5.7 miliardë euro për Junajtidin, do t’i bashkohej apelit të Ziliakusit, kërkesa e Zhangut për 1.2 miliardë euro për të shitur Interin, do të ishte lehtësisht e realizueshme.
PANORAMASPORT.AL
