Anglia, dashje pa dashje, është përfshirë nga skandali i basteve të disa lojtarëve italianë. Kjo vjen për shak se dy nga të akuzuarit kryesorë, Sandro Tonali dhe Nikola Zaniolo, aktualisht luajnë në Premier Ligë, i pari me Njukasësll dhe tjetri me Aston Vilën.
Më në fund ka ardhur edhe reagimi i parë nga “ishulli”, ku Njukasëll ka njoftuar se Sandro Tonali ka mbështetjen e plotë nga klubi anglez. Ky suport vjen pasi ish-mesfushori i Milanit është intervistuar nga prokurorët vendas për baste të dyshuara të paligjshme.
Në deklaratën e publikuar nga klubi në faqen e tyre në platformën “X” klubi anglez njoftoi:
“Njukasëll Junajtid mund të konfirmojë se Sandro Tonali është duke u hetuar nga Prokuroria Italiane dhe Federata Italiane e Futbollit (FIGC) në lidhje me aktivitetet e paligjshme të basteve.
Sandro është plotësisht i angazhuar për hetimin dhe do të vazhdojë të bashkëpunojë me të gjitha autoritetet përkatëse.
Ai dhe familja e tij do të vazhdojnë të marrin mbështetjen e plotë të klubit. Për shkak të këtij procesi në vazhdim, Sandro dhe Njukasëll United nuk janë në gjendje të ofrojnë komente të mëtejshme në këtë moment”.
Club statement.
— Newcastle United FC (@NUFC) October 18, 2023
;
PANORAMASPORT.AL
