Isco është tashmë pjesë e Betis Sevilla në LaLiga dhe ka nisur të marrë minutat që aq shumë i kanë munguar në sezonet e fundit me Real Madrid dhe Sevilla.
Mesfushori rikthehet të flasë për “Los Blancos” duke theksuar se u largua nga madrilenët pasi ndjeu se për të nuk kishte më vend në skuadër ndërsa shtoi se trajneri me më shumë personalitet me të cilin ka punuar ka qenë Zinedine Zidane.
“Nuk mund të qëndroja më tek Real Madrid, e ndjeva se aty nuk kishte më vend për mua. Me Realin kalova shumë vite, kam pasur një eksperiencë të bukur dhe të lumtur.
Por, me shumë trajnerë kam pasur probleme, çfarëdo që unë të bëja ata sërish nuk do të më aktivizonin. Mua më mungonte pak edhe përgatitja në aspektin psikologjik dhe në vend që të bëja më shumë, dëshpërohesha. Është pak e vështirë të largohesh nga klubi më i mirë në botë, duhet gjetur koha e duhur.
Zidane? Është një nga trajnerët me më shumë personalitet që unë kam punuar. Erdhi dhe e mori skuadrën në një moment të vështirë, por fituam tre Champions League radhazi. Më pas u largua, u rikthyer sërish dhe ne sërish fituam”, tha Isco.
