Michael Owen beson se tifozët e Liverpoolit duhet të tregohen të durueshëm dhe tregoi nëse ish-klubi i tij mundet të garojë me Manchester Cityn për titullin e Premier Ligës.
Liverpooli i rikthehet aksionit në Premier Ligë këtë vikend, ku e pret në shtëpi Evertonin, ndërsa është i pamposhtur këtë sezon në Ligën e Evropës.
Por, Owen beson që Liverpooli ende nuk është i gatshëm që të garojë me Cityn këtë sezon, dhe tha se tifozët e ish-klubit të tij duhet të durojnë pasi që skuadra është në formë shumë të mirë.
“Epo, jashtë Cityt, ata kanë një shans aq të madh sa kushdo tjetër. Arsenali është padyshim një ekip i jashtëzakonshëm dhe po bëhet gjithnjë e më i mirë. Manchester City është skuadra që duhet mposhtur për momentin. Mendoj se është e drejtë të thuhet se Liverpool bëri një rënie të vogël. City ka qenë shumë i pamëshirshëm në atë se sa i mirë ka qenë dhe Liverpool ka pasur hapa të ngjashëm me ta për vite dhe vite. Por unë mendoj se është e drejtë të thuhet në vitin e fundit apo më shumë, ata kanë bërë një hap prapa dhe City momentalisht është mbi ta”, tha Owen për “AceOdds.com”.
“Ata patën pak lëkundje, por mendoj se tani janë kthyer duke luajtur gjëra të mira. Nëse është mjaft e mirë për të qenë po aq i mirë sa Man City është ndoshta e dyshimtë për momentin”, shtoi më tej Owen.
