Roma është duke menduar të bëjë një ofertë në janar për Trevoh Chalobah të Chelseait.
Skuadra e Serisë A ka nevojë për përforcime në qendër të mbrojtjes, pasi Chris Smalling, Diego Llorente dhe Marash Kumbulla të gjithë janë të lënduar, shkruan lajmi.net.
Sipas La Gazzetta dello Sport, Roma po konsideron të sjellë një mbrojtës të ri në afatin kalimtar të janarit dhe Chalobah i Chelseat është shfaqur si një opsion.
Chelsea është gati të shesë Chalobah në merkaton e dimrit sepse ai nuk ka vend në planet e Mauricio Pochettino.
I diplomuari në akademinë e të rinjve të Chelseat është i etur për të bërë një lëvizje, madje ai ishte afër kalimit te Bayern Munich në verë, por marrëveshja dështoi.
Sipas raportit, Chalobah nuk është i vetmi mbrojtës në të cilin Roma ka vëmendjen.
Klubi i Serie A mund të zgjedhë të ribashkojë Jose Mourinhon me Eric Dier të Tottenham, i cili nuk ka bërë asnjë paraqitje të vetme për skuadrën e Ange Postecoglou këtë sezon.
Oumar Solet i Red Bull Salzburgut është gjithashtu në radarin e “Giallorossi-ve”, ndërsa qendërmbrojtësi veteran Jerome Boateng shihet gjithashtu si një opsion pasi Bayern u tërhoq nga një marrëveshje për nënshkrimin e tij. /Lajmi.net/
