Porta e Milanit kalon nga shiu në breshër sepse pas skualifkimit te Menjasë është dëmtuar zëvendësi i tij Marko Sportielo. Portieri i dytë kuqezi dje ka ndjerë një problem në pulpë dhe situata e tij do të rivlerësohet pas 10 ditësh, por përshtypjet e para bëjnë të mendohet për një mungesë 4-javore.
Duke parë situatën, radha për të mbrotjur portën kuqezi të dielën ndaj Juves do të jetë e Antonio Mirantes i cili në sezonin e kaluar luajti vetëm një minutë në ndeshjen e fundit kundër Veronës, teksa nuk luan 90 minuta që prej prillit 2021 kur mbronte portën e Romës. Në stol si zëvendësues i Mirantes do të jetë Lapo Nava, i lindur në vitin 2004 dhe tashmë i grumbulluar me skuadrën e Piolit për ndeshjet kundër Veronës dhe Kaljarit. Kjo edhe për shkak shkak se portieri i blerë nga Paolo Maldini janarin e kaluar, Devis Vaskez, ndodhet në formë huazimi te Shefildi në Angli.
Në fakt, edhe Nava ka shanset e tij pasi në javën e kaluar edhe vetë Mirante nuk ishte stërvitur disa ditë për shkak të një problemi në shpinë dhe duke parë situatën, nuk do të ishte çudi që të ishte pikërisht 19-vjeçari në mbrojtje tëportës së Milanit të dielën në20:45 në “San Siro” kundër Juves. Pikërisht kjo e fundit, ka qenë edhe trampolina eMirantes në futbollin e rëndësishëm, teksa portieri kambrojtur kuadratin bardhezi për shtatë ndeshje në Serinë B.
PANORAMASPORT.AL
