Chelsea do të jetë pa sulmuesin shqiptar, Armando Broja për ndeshjen e tyre kundër Arsenalit.
Mauricio Pochettino e ka konfirmuar se sulmuesi pësoi një lëndim sa ishte i grumbulluar me kombëtaren shqiptare, shkruan lajmi.net.
“Broja nuk do të jetë i gatshëm, ai ka pak irritim në gju, por është gjuri tjetër, jo ai që ishte problem në të kaluarën”, tha Pochettino.
22-vjeçari është përballur me lëndime të shumta, duke përfshirë një dëmtim në ligamente që e mbajti jashtë fushës për gati një vit.
Ai luajti në dy ndeshjen e fundit të Chelseat, duke shënuar një gol.
Ndeshja mes dy skuadrave angleze në kuadër të Premier Leagues do të zhvillohet në “Stamford Bridge” të shtunën me fillim nga ora 18:30. /Lajmi.net/
Teilen:
