Liverpool ka arritur fitore ndaj Evertonit në “Anfield”.
Ndeshja e xhiros së nëntë u mbyll me rezultat 2:0, shkruan lajmi.net.
“Toffees” rrezikuan pas vetëm 20 sekondash lojë, por goditja me kokë e Dominic Calvert-Lewin u shpëtua me lehtësi nga Alisson.
Megjithatë, skuadra e Jurgen Klopp morri iniciativën dhe për pak sa nuk shënoi në minutën e 12-të, pasi Luis Diaz depërtoi me shpejtësi, por kolumbiani u ndalua nga Ashley Young.
Megjithatë, pas atij fillimi të mirë, Everton u kthye në mbrojtje.
Por, puna e palodhur e ekipit vizitues në mbrojtje u zhbë në minutën e 37-të, kur Ashley Young faulloi Diazin jashtë zonës për kartonin e tij të dytë.
Në pjesën e dytë Liverpool kishin kontrollin e lojës, por ata patën mundësinë për të kaluar në avantazh në minutën e 74-të, pasi një penallti u dha për lojë me dorë nga Michael Keane.
Ishte Mohamed Salah ai që u nuk gaboi nga pika bardhë.
Egjiptiani gjeti edhe golin e dytë në minutat e fundit të ndeshjes, pas një kundërsulmi të shpejtë.
Liverpool merr përkohësisht kryesimin e Premier Leagues me 20 pikë, derisa Everton renditet në vendin e 16-të me shtatë sosh. /Lajmi.net/
