Sandro Tonali është në epiqendër të çështjes së lojtarëve që vendosin baste në Itali, por për tifozët e Njukasëllit, kjo nuk përbën asnjë problem.
Përkundrazi, ata e kanë trajtuar si hero futbollistin i cili ka luajtur në ndeshjen e sotme në kampionatin anglez të fituar 4-0 ndaj Kristal Palas. Kjo u pa që në pjesën e parë të ndeshjes, kur mesfushori italian u çua të bënte nxemjen.
Menjëherë në shkallët e stadiumit nisën duartrokitjet për të, teksa tifozët nuk ngurruan të shpalosnin edhe pankarta në mbështetje të lojtarit i cili më pas u aktivizua në minutën e 66-të të sfidës në fjalë.
Tonali rrezikon një dënim afatgjatë që me shumë mundësi do ta lërë për disa muaj larg fushave të lojës. Por Njukasëll ka vendosur që ta aktivizojë futbollistin e diagnostikuar me ludopati, varësi ndaj kumarit, derisa të jepet zyrtarisht një vendim i tillë.
PANORAMASPORT.AL
